疫下狂吸金|《東張》女主持林希靈推賀年糕點 售幾千底火速回本 (22:28)

文章日期:2021年01月28日

《東張西望》外景主持林希靈向來識飲識食,尤其嗜吃賀年糕點─蘿蔔糕。由於疫情依然嚴峻,希靈不少工作延期或取消,她便諗計於疫下吸金,邀來米芝蓮星級大廚陳國強,推出食品品牌,並夾手夾腳研發3款賀年糕點,包括椰香奶黃年糕、日本大根蘿蔔糕和有機紅菜頭馬蹄糕。

希靈表示賀年糕點推出後反應熱烈,網購已售出幾千底,原本下月初截單,現時已經要截單,成績出乎她意料之外。希靈接受本報訪問時表示:「本身冇諗住賣咁多,諗唔到咁多人買,依家賣咗幾千底,好驚喜!網上訂單原定去到2月6日,但我哋已cut網上單,不過因為同兩個新式街市crossover,所以要留返少少量喺街市售賣。」

希靈表示今次投資了6位數,她表示以為要一年時間才可回本,誰不知首次創業就這麼快回本,令她信心倍增,亦為之後售賣節日美食注下強心針。

希靈身形苗條,得天獨厚「食極唔肥」,現時體重約100磅。她的喼弗心得是少食多餐,加上熱愛運動,尤其愛行山、游水和做瑜伽。

(即時娛樂)