700幾度近視|王梓軒接受矯視手術:依家重見光明 (14:27)

文章日期:2021年02月04日

王梓軒有逾700度近視,纏繞他多年,不戴眼鏡看東西就會矇查查,經過多番考量,梓軒日前扚起心肝做矯視手術,並拍片記錄。

未入手術室時,梓軒坦言心情緊張,他說:「我好多年係大近視,700幾度,我準備去做矯視,之前去咗檢查眼角膜、瞳孔得唔得,我戴眼鏡20幾年,戴con(隱形眼鏡)都戴咗好耐,之前拍劇、做運動唔方便,拍劇拍得耐雙眼會乾,又成日驚拍劇要打鬥、跳海或者大風甩咗隻con,所以把心一橫做手術。」

梓軒見完視光師及醫生驗眼後,穿上防護衣並戴上手術帽,戰戰兢兢進入手術室,消毒完眼皮並滴上麻醉藥水後,梓軒不發一言躺在手術牀上,醫生先將梓軒一隻眼睛蓋上紗布,另一隻則用支撐架固定眼睛,該矯視手術大約15分鐘完成,接着加多一個「角膜交聯術」,可以鞏固眼角膜,2項手術全程不多於半小時。

手術成功後,梓軒在休息室表示:「我感覺好似有好淺嘅近視,有少許矇,但比我冇戴眼鏡好好多。(手術感到痛嗎?)其實唔痛,簡單啲講,就似發了一場夢,因為有個激光頭逐漸『隊』埋你隻眼,最接近時會睇到好多顏色,有白色、綠色,然後割開眼角膜後,突然間一片白色,我初時都驚,咦!乜都睇唔見,之後睇到一啲黃色,係醫生落嘅藥水,之後因為要做角膜交聯術,傷口癒合時,我睇到橙色燈,又橙又綠,好似睇80年代迷幻嘅MV,好多光咁,不過醫生處理得好好,其中有一part,我舒服到瞓著咗,依家我可以『重見光明』。」

(即時娛樂)