張敬軒的外傭「遮遮」因不時炮製早餐「驚」喜，因而大受網民歡迎，不少網民期待遮遮為軒仔炮製的早餐。今午軒仔在Instagram發文，今次遮遮又獻「新猷」，不過今次跟早餐無關，而是她煲粥時煲爆了電飯煲，軒仔說：「我真係諗都冇諗過，最先頂唔住嘅竟然唔係我，而係屋企個電飯煲…煲粥煲到個煲都爆埋，我諗佢係港九新界第一人。咁呢佢就Send個Msg（message）嚟喇，通知我個煲『Explode』 #d ，我表面平靜，個心入面嗰樣喺圖三。」
然後，軒仔更搞笑地寫了「信」給電飯煲：「A Letter To My Dear 煲：Dearest 煲，你辛苦了 #我都唔差，下次希望你可以做個燜燒煲、真空煲、沙煲… #總之乜煲都好喇！最緊要記住 #唔好返嚟我哋屋企 #煲 #煲有煲命 #佢想買過個新煲但係都仲要有煲粥功能 #你睇佢幾執著 #放下喇施主 #方丈Yak（吔）粥Yak到想還俗 #阿煲甩難阿蛇慢慢捱 #等我今晚返去Check下個煲咩環境先 #依家準備做PressCon先」。
