RubberBand演唱會宣布加場 6號泥鯭超興奮:大家繼續買 (14:40)

文章日期:2021年03月16日
RubberBand演唱會宣布加場 6號泥鯭超興奮:大家繼續買(大會提供影片)

 

樂隊RubberBand(RB)的《RubberBand Ciao 2021》音樂會,是RB相隔9年後,第2度於紅館開騷。今次以「Ciao」這個意大利文,作為音樂會主題,是有特別含意,泥鯭說:「其實『Ciao』包含Hello同Goodbye嘅意思,係我哋每日都會講嘅說話,尤其呢幾年,大家對於呢句說話,都特別有感覺,因為身邊都有好多唔同形式嘅分離或散聚嘅事情,例如移民、生離死別等各種原因,呢個topic係我哋喺呢段時間最有感覺,所以音樂會用咗呢個主題。」

為了今次音樂會,RB製作全新歌曲,不過阿偉表示仍在製作中,成員們希望趕得及在音樂會上,跟大家見面。

 

上星期《RubberBand Ciao 2021》已優先發售,短短30分鐘售罄,不少樂迷在網上大吐苦水,更擔心買不到門票。主辦單位有見及此,即火速開會,並落實加開1場,合共3場,所有門票將於明日(17日)起在城市售票網公開發售。

對於反應熱烈,6號始料不及,他說:「當我哋宣布優先訂飛時,好多朋友都支持去買飛,但苦樂參半,因為好快賣晒,但同時有朋友未買到,我哋為佢哋擔心,即時諗可唔可以做啲嘢呢,加場係一個解決辦法,令到未買到飛嘅朋友,可以有機會買到,我哋亦會抖擻精神,做多一晚。」泥鯭對加場消息感到興奮,他說:「既然可以上台玩,可以玩多幾場會好開心,所以大家繼續買,等我哋可以玩多幾場。」

(即時娛樂)

相關字詞﹕演唱會 加場 6號 泥鯭