林德信悼念離世公公:感恩你一直陪着我成長 (12:39)

文章日期:2021年04月12日

向來孝順的林德信(Alex)不時在社交網分享他和公公的合照,昨晚Alex在Instagram貼了公公照片,他以中英文發文,悼念離世的公公:「公公我好感恩你一路一直陪着我成長。細個嘅時候當我瞓唔到覺,你會坐喺我床側邊拍拍我隻腳,直至到我入睡。每日送我返放學,煮好多嘢俾我食。到你變老嘅時候有病,我就坐喺你張床側邊,幫你做按摩,每個禮拜日就會同你食飯。我覺得自己好幸福。多謝你比我呢個機會,將所有你比我嘅愛還返俾你。多謝你照顧得婆婆咁好。」

Alex表示會懷念以前每個周日,跟公公一齊吃晚飯的畫面:「我會好掛住你,Rest in peace」。蔡卓妍﹑王君馨﹑鄭融﹑方力申﹑連詩雅和傅嘉莉等都留言慰問Alex。

(即時娛樂)

相關字詞﹕林德信 公公 離世