由阮小儀、呂爵安（Edan）和黃奕晨主持的ViuTV遊戲節目《考有Feel》，繼續由MIRROR的姜濤、陳瑞輝（Frankie）和邱士縉（Stanley）力戰ERROR隊的梁業（肥仔）、何啟華（阿Dee）和外援陳俞希。
在遊戲「聞咗先講」，兩隊都要戴上眼罩，靠嗅覺聞出食物，然後再形容給隊友估。當姜濤戴眼罩準備嗅出食物時，Edan先擘大口，哄埋姜濤個鼻，肥仔又除了自己的鞋，放到姜濤鼻前，姜濤反應甚大說：「嘩！好臭呀！乜嘢嚟㗎！」全場爆笑！之後輪到阿Dee玩遊戲時，MIRROR立即反擊，姜濤和Frankie拿着鞋，Stanley則拿着襪子，放到阿Dee跟前，連小儀也笑稱：「姜濤真係好狠㗎！」阿Dee狀甚無辜表示：「又唔係我隊你！」輪到肥仔玩遊戲時，姜濤則拿着襪子放在他的鼻子前，肥仔嗅後即大嗌：「好臭呀！邊個咁臭呀？」場面惹笑。
