重提「刀削面」|胡鴻鈞對負評不知所措:我唔係成仙成佛 (11:09)

文章日期:2021年04月26日

胡鴻鈞(Hubert)日前接受許文軒主持的《StarTalk》訪問,談到新歌《整親》感受。談到新歌題材帶點自嘲成分,當中歌詞更加提到「刀削面」,Hubert説:「呢首歌係總括我入行至今,外界對我嘅評語,有好有唔好,經歷咗咁多年,到呢刻再次面對,喺自己心態上嘅轉變,從而帶出正能量畀大家。今年推出嘅歌曲會係講自己經歷過嘅事,好想推出一張概念專輯,完全記錄自己,剖白胡鴻鈞究竟係咩人。」

談到是否完全看透昔日負評時,Hubert說:「我唔係成仙成佛,對所有評論冇感受就假,之前面對負面評論時,可能會不知所措,唔知點面對,一定會有情緖,所以依家要學懂平衡,識得用樂觀心態面對。」

新歌曲風有別於過往的慘情歌風格,Hubert説:「其實今年想跳出框框,自己都唔甘於只係唱慢歌,希望透過歌曲畀樂迷知道我其他嘅可能性,或者有一日我都能夠變成跳唱歌手或者Rapper。我覺得跳舞會令自信多咗,更加認識自己,之前睇電視見到鄭欣宜又跳又唱,畫面佢好震撼,好吸睛,我直頭拎住碗飯,食食吓呆咗咁睇,但依家我同佢跳舞嘅距離仲差太遠。」

(即時娛樂)