生日跟男友行山慶祝 唔抗拒拍親熱戲 湯洛雯讚馬國明開通 (16:43)

文章日期:2021年05月03日

【今日直擊】馬德鐘(馬神)、湯洛雯(靚湯)、陳煒、何廣沛和郭柏妍等,今日出席劇集《雙生陌生人》開鏡禮。馬神劇中一人分演兩角,其中一角會周旋三角關係,背住老婆陳煒,跟舊愛靚湯藕斷絲連。靚湯表示暫時睇劇本沒有親熱戲,若劇情需要不抗拒。問到拍咀戲要否先得男友馬國明批准?靚湯大讚男友開通:「他不會不准我拍咀戲,我會跟他講,拍《失憶24小時》跟譚俊彥激吻,馬明都有睇,不過跟他拍拖後,真是未拍過親熱戲。」

她亦表示不會阻止馬明拍親熱、牀上戲,她說:「OK的,TVB的尺度幫埋我,不會做得太過。」馬神笑言跟靚湯合作無壓力,不怕馬明呷醋:「我是專業演員,做好自己,不需要想太多!」

今個月6日是靚湯34歲生日,剛好馬明完成內地拍戲返港相伴,她甜笑:「一向都開心,可以視像對話,以前爹哋(湯鎮宗)回內地拍戲,只能傾長途電話。」她透露生日剛好不用開工,可能會跟馬明行山郊遊或者去主題樂園慶祝。

(即時娛樂)