「中女鏡粉」鄭欣宜向MIRROR道歉 Edan賣口乖稱森美做外父 (19:05)

文章日期:2021年05月12日

鄭欣宜和好友許廷鏗昨晚齊捧MIRROR演唱會尾場,自稱是「死中女鏡粉」的欣宜,在社交網貼了和MIRROR合照,他大讚12位成員給了她很多青春和活力,為香港樂壇添加好大力量,她寫道:「你哋不斷在台上多謝我哋...其實係我哋要多謝返你哋!你哋每一滴汗水都係值得(我睇你哋時都唔知點解流咗好多汗水...都係值得㗎)。

做呢一行總會有唱得比你悅耳、跳得比你自如、長得比你靚、身型比你bi-bu-bit嘅人。但就算擁有呢幾樣,最重要都係要俾人感受到你嘅ENERGY,HUNGER,YOUTH,PASSION.

睇完你哋昨晚嘅賣力#OneAndAll尾場演出後,姐姐要向你們道歉:道歉因太遲認識你們。我會用我應該拿來練自己歌嘅時間來追返之前Miss咗你哋嘅每一個演出同作品。Mirror加油。花姐加油。香港樂壇加油。 #死中女鏡粉 欣宜上 #焫著了姐姐心中嘅一團火 #再次證明只要願意付出更大嘅夢都可以成真」。

森美和阮小儀昨晚都有捧場,二人在今早電台節目讚MIRROR演出,森美讚12位成員可各自發揮所長:「呂爵安(Edan)自彈自唱、Jer(柳應廷)現場表演都耀眼,Tiger(邱傲然)、Frankie(陳瑞輝)、Jeremy(李駿傑)同Stanley(邱士縉)搵啱自己嘅歌,佢哋有種妖嘅味道,呢種味道係要經營,Jeremy個樣原本冇呢個特色,到佢換咗髮型,再加埋跳絲帶舞,我感覺到一個日本style嘅star喺台上,佢哋幾個係有Visual Rock嘅感覺。」同時森美讚Frankie靚仔,似後生版孫耀威;Stanley的肌肉線條最吸睛,下胸位置操得幾靚;Alton(王智德)有主持才華及特質,跟SMAP成員中居正廣頗似。

森美昨晚在Ig貼了和MIRROR合照:「感動,是因為付出的努力有回報,近年難得好睇的show,還有可能好多大叔同我一樣,因為女兒喜愛,快樂地成為"女婿安"的爵粉!!你睇下我個樣,見女婿幾甜,哈哈!講真其實個個都好!」Edan亦賣口乖留言「多謝外父」﹗

人氣急升的Edan有音樂才華,他是香港大學工商管理學學士(BBA),有指最近港大的經管學院官方網頁,也用了Edan相片吸引學生報名,歐陽偉豪(Ben Sir)也在facebook寫道:「做藝人不忘推廣母校,不論修讀工商管理還是文史哲。始終藝人除了精於演唱跳外,還需要有content,這樣才能邁向phantom of the opera的境界。」

(即時娛樂)