吊住鹽水開會|火辣泳兒孖《聲夢》學員挑戰《裙下之臣》 (20:19)

文章日期:2021年05月18日

無綫節目《聲夢傳奇》日前播出第6集,身為紅組導師的泳兒及王灝兒(JW)親自上陣,跟紅組隊長何晉樂(Rock)出戰第5回合,重新演繹陳奕迅的《裙下之臣》。

比賽前大家透過電話開視像會議,不過見泳兒身穿病人服,身後又滿布儀器,原來她身體不適入院,泳兒說:「其實唔舒服咗幾日,一直用意志力同飲水撐住,尤其比賽嗰日,睇住佢哋上台表現,令我好感動,個performance比我預料中更好,令我忘記咗嗰日病痛。」不過比賽一結束,泳兒又暈又嘔,最後要入院檢查兼吊鹽水,檢查結果原來胃部發炎,但泳兒叫大家不用擔心,要專注比賽,她說:「我知道佢哋會喺網上有個meeting,會初部傾佢哋第二round比賽計劃,同埋趁呢幾日入院,上網睇好多reference,諗咗好多嘢,好希望可以喺我依家呢個狀態,盡力去幫佢哋,希望可以保住我哋成個團隊、全部隊友。」

開會期間泳兒不時提意見,十分緊張學員,當她得知Rock揀選《裙下之臣》一曲參賽,她便主動提議:「會唔會係我哋女仔導師出嚟,同佢一齊唱呢隻歌,我哋好sexy去引誘佢。」比賽當日泳兒跟JW以火辣紅裙上陣,全場尖叫。比賽完結後,評判均表示整個表演只看到泳兒及JW,伍仲衡更說:「Vincy(泳兒)一唱,你(Rock)就比下去。」

(即時娛樂)