同場不合照|《自肥》被批低俗 沙律撐男友保錡:唔同人有唔同睇法 (20:28)

文章日期:2021年05月25日

【今晚直擊】「沙律」張沛樂和男友兼ERROR成員吳保錡,今晚出席陳欣妍和成家宏合演的電影《我的印度男友》首映禮,但兩人沒有合照,沙律說:「我之前有工作趕過來。(不合照?)費事搶人鏡,都想尊重今日呢個首映。」對於不少網民支持保錡?身為女友的沙律說:「開心囉,幾好,最緊要你哋都支持佢。(聽他的新歌?)梗係有。(他心聲?)一定係嘅,之前有啲訪問都有講過,佢啲作品係代表佢生活點滴,都好開心,可以有人欣賞佢作品,好努力做好音樂。」

沙律表示有和男友一齊看《ERROR自肥企画》,對於部分場面被指低俗,她說:「冇嘅,唔同人有唔同睇法,睇到低俗嘅就覺得低俗,睇到搞笑就搞笑,費事講太多感情嘢,要尊重男女主角。」

問到會否介意情侶檔出席活動?她說:「我唔介意,最緊要件事開心同舒服,出唔出嚟都要睇大家接唔接受。(拍拖變低調和避忌?)本身拍拖係屬於兩個人嘅事,當初畀人影到拍拖,若因為咁樣避忌又冇理由嘅,做自己最開心,拍拖係開心簡單嘅事,大家畀返空間我哋。」

(即時娛樂)