聲夢傳奇|Chantel《戀愛預告》破200萬點擊 何晉樂冼靖峰有望殺入三甲 (17:05)

文章日期:2021年06月16日

無綫節目《聲夢傳奇》繼Gigi(炎明熹)憑《沒有你還是愛你》先聲奪人後,年僅14歲的Chantel(姚焯菲)及Yumi(鍾柔美),亦分別憑《戀愛預告》及《心急人上》備受關注。Chantel的獻唱片段上載網站短短10天已破200萬點擊,留言亦逾2萬,穩佔熱搜榜首位,其Ig粉絲人數亦由2萬急升至4.3萬,人氣急升!

有Chantel粉絲甚有創意地,以「颱風消息」形容其銳不可擋的走勢,Chantel也大讚有趣:「冇諗過可以咁樣形容我,多謝。」現時忙於考試兼應付比賽的Chantel笑言愈忙愈精神:「呢排真係少咗休息時間,但唔知點解,我瞓得愈少好似愈精神。(壓力大咗?)畀自己好多壓力,因為想做得好啲,唔好令人失望。」

在上周六的比賽播出後,紅隊隊長Rock(何晉樂)的《等》及Archie(冼靖峰)的《黑夜不再來》,由於演出超水準,亦令兩人殺入三甲呼聲漸高。

不少網民戥Rock於比賽中輸給Gigi感不值:「簡簡單單有感情,真係聽到好感動。所以呢首歌想為Rock平反,覺得佢好聽啲,推呢首上去。」、「聽歌聽到喊,唔係個個歌手做得到。」、「輸咗評判 但贏在民意」。獲大量網友力撐的Rock留言答謝支持:「好多謝咁多位嘅愛戴,好多謝大家包容我嘅瑕疵。心理係我最大要克服嘅難題,我會繼續努力!」

Archie亦獲近乎一面倒好評:「有實力、有台風、識得享受舞台、性格好…一定會攞到頭三名!」、「Archie加油,直入3強同Gigi鬥過。」、「全晚唱得最好係佢,我覺得。佢唱歌有種妖媚嘅風格喎。」

(即時娛樂)