【今日直擊】MIRROR人氣爆燈，吸引不少人妻與媽咪級粉絲，令很多老公瞬間變成「苦主」。日前有網民在Facebook開設名為「我老婆嫁咗比Mirror導致婚姻破裂關注組」專頁，短短兩日時間已超過13.5萬人加入。有「苦主」出post公審另一半，包括在家中以姜濤巨型海報當牆紙、逼老公著姜濤同款衫、發開口夢叫「Jer Jer」等，被指導致婚姻破裂？
對此，姜濤今日出席活動時表歉意，他說：「如果影響到大家夫妻關係，我也不好意思，對唔住你哋，冇諗過影響大家咁多，我有睇到牆紙個post，覺得都幾靚，希望粉絲的老公都聽吓我哋啲歌，他們可能會鍾意呢！」同場的柳應廷（Jer）就認為是笑料一則，可以供大家茶餘飯後娛樂一下。他們也為粉絲的老公爭取權益，表示反對粉絲要老公上繳政府消費券花在MIRROR身上，認為要經濟自由，每人買什麼都有自己的決定權。
相關新聞：逾13.5萬人加入fb關注組 MIRROR經理人花姐：睇post睇到唔捨得瞓
相關新聞：逾7萬人加入fb關注組 老公「出賣」老婆瘋狂追捧MIRROR行徑
