梁諾妍懷孕4個半月照跑步 洪永城︰唔好跑咁快呀 (14:35)

文章日期:2021年07月22日

梁諾妍(Inez)與丈夫洪永城雙喜臨門,目前Inez已懷孕4個半月。一向熱愛跑步的她,原來在胎兒兩個月大後便恢復了跑步習慣,每天慢跑6至8公里。Inez在社交平台分享她懷孕後的跑步生活,相中的她腹部微隆,身形依然好弗。

她說︰「懷孕頭2個月都因為未穩定所以去咗行山,不過講真,我真係鍾意跑步比行山多好好好好多。8週後忍唔住開始跑番到依家已經18週了,每次慢跑大概6-8公里,一啲唔舒服都冇(唔跑反而唔舒服😂)。」

Inez表示醫生也建議有跑步及運動習慣女士在懷孕後繼續做適量運動,不要因懷孕了而懶惰起來。她說︰「有健康嘅體魄更容易成功受孕,佗BB都冇咁辛苦,生嘅時候都冇咁痛苦。」

雖然Inez已講明她是慢跑,洪永城仍非常緊張地留言︰「小心呀小心呀,唔好跑咁快呀,慢啲慢啲,睇住呀。😅😅😅😅😅」

(即時娛樂)

相關字詞﹕梁諾妍 懷孕 跑步