無綫工作12年 何雁詩宣布離巢:係時候跳出Comfort Zone (19:01)

文章日期:2021年07月26日

鄭俊弘太太何雁詩正式離開無綫,今日傍晚她在社交網貼了在TVB門外的照片,並表示人生第一份工,一做就做了12年,她說:「由中學畢業到結婚,都係係呢間公司渡過,我所有關於呢一個行業嘅知識,都幾乎完全係TVB學習返嚟,不過,呢個世界係好大㗎,有好多地方&事情我都仲未見識過同埋需要學習。我都係時候跳出自己嘅comfort zone,去出面嘅世界學習一下。

所以呢...由明天開始,我就會展開人生&事業的新一頁啦!好多謝各位TVB同事一直以來的照顧,特別係tvb mom @lokvirginia(樂易玲) 對我一直的包容和理解,所有照顧過我嘅同事&得力金牌歌手經理人,仲有各位一齊捱通頂,一起笑一起燥嘅兄弟姐妹們,多謝你哋俾我嘅所有回憶,江湖再見!」鄭俊弘亦留言撐老婆:「加油!我永遠支持你。」

(即時娛樂)