軒仔客串舞台指導|真人同簡介有出入? 容祖兒對學員樣貌起疑 (14:32)

文章日期:2021年07月29日

音樂選秀節目《冤枉新秀訓練營》完成stage 1的唱歌對決,stage 2的跳唱對決,日前正式展開,為了提升各學員歌舞水平,歌唱訓練方面,大會請來以唱功見稱的關心妍(Jade)任嘉賓導師;而跳舞部分則找來《全民造星III》冠軍「折骨舞王」Ben(趙祥誠)指導。

Jade的任務是需要指導4位橙組隊員唱歌技巧,當她聽完橙組隊員唱出比賽歌曲《Sweet Escape》後,Jade便指出唱歌如釣魚,她說:「Make sure對方畀你攝住,唔好畀佢瞓着,唔好畀佢個mind走咗。」之後她大騷唱功,示範歌詞中「Oh」的唱法,她說:「呢度一定要『Oh』得好,如果唔係一定係個炒位,『Oh』核突咗,成隻歌就好得人驚,打冷震㗎!救命!啲評判會反咗十次眼。」接着輪到「折骨Ben」教授舞蹈,除了舞步形態,Ben更表示:「眼神好緊要!」

此外,軒仔自從stage 1擔任評判後,其實他很關心比賽情况,比賽進入stage 2,他借出場地讓學員對賽。比賽前夕更化身舞台指導,落手落腳做場地設計,兼走訪學員練習情況和探班,相當有心,期間軒仔跟他們分享什麼是「舞台精神」。

於stage 2擔任嘉賓評審的容祖兒,亦於對決當日提早到達現場,除了看學員準備情况,亦乘機跟他們互動,當祖兒見到學員們,為其中一首比賽歌曲《越唱越強》練習時,祖兒邊看邊帶着滿意的微笑,狀甚安慰;當她看着學員簡介後,再抬頭望學員真人時,又笑說:「點解我覺得好似有啲人啲樣...唔係嗰啲樣嘅?」

除了唱歌跳舞,大會亦找來擁有弗爆身形的關智斌(Kenny),帶領其中兩位學員Andy(花名:大家好)及Adam(花名:教練)做街頭健身,包括:L Sit、Pull Up、人旗及Superman四項挑戰,當中除了Pull Up二人同時成功挑戰、人旗只得「大家好」成功,其餘項目均告失敗收場,認真失威。最後,Kenny寄語二人需要某程度上的節食,並笑説:「因為頭先做某啲動作時見到你哋啲鬼祟肉,唔好以為我見唔到。」

(即時娛樂)