前港姐許芷熒（Whitney）和老公Alex的女兒Kayli Jane（馮寶寶），已經18個月大，Whitney在社交網貼了和囡囡慶祝的片段，片中兩公婆左右夾攻，親親囡囡面珠，搞到Kayli Jane定鏡兼嘟嘴仔，相當搞笑。她寫道：「寶貝馮寶寶一歲六個月生日快樂！不經不覺你已經一歳半，越嚟越識講多啲嘢，搞到我每日出門口都唔捨得你，出咗去就想快啲返屋企見到你。
今日有人問我：『乜你最近好忙咩？』其實我最近真係好忙，忙到都冇post嘢，有時間都想陪下個囡，見下屋企人。有小朋友嘅生活，就係每日都想陪佢多啲，一到週末放假，就會諗吓有咩地方同佢去下見識下。」
