MIRROR成員呂爵安（Edan）有份為動畫《反轉方舟動物團》配音，向來愛惜粉絲的Edan，知道一班「爵屎」（粉絲暱稱）包場支持他，於是為大家送上小驚喜，冧得爵屎們暈得一陣陣。原來Edan玩突擊，驚喜現身戲院答謝大家，事前不知情的爵屎見到偶像出現，開心得尖叫。其間，Edan問爵屎「配成點？」、「得唔得把聲？」，有爵屎大叫：「你做得好好呀！」Edan聞言開心得向大家講多謝。之後，他又主動跟爵屎影大合照呢！
Edan分享相關片段，並留言「今天辛苦大家~ 感激來支持爵安的每一位，知道爵屎們包咗場，特登準備咗小驚喜比大家，大家有冇嚇親？配音的確係一個好新奇嘅體驗，我細個同屋企人成日睇卡通電影，但從來冇諗過有朝一日竟然會係自己把聲，其實我自己都未睇，我都好想聽吓自己配成點！你哋都快啲約埋朋友一齊去睇<<反轉方舟動物團>>啦！P.s. 小弟第一次配音，希望大家多多包容」。
