【今日直擊】洪永城、黃翠如、陳煒及莊思敏等，今日出席無綫劇集《我瞞結婚了》宣傳，談到洪永城在劇中穿緊身褲的戲份有「現袋」情況，他笑說︰「咁著緊身衫潛水衫梗係現，冇嚇親大家丫嘛？唔會太失禮係咪？」
而對有報道指黃翠如和蕭正楠瞞住公司，8月申請放假到外地秘婚？洪永城說︰「我唔知喎完全﹗會唔會係普通旅行咋？」報道又指另一個黃翠如瞞婚原因，是不想自己跟洪永城的螢幕情侶的形象破滅讓粉絲失望，洪永城即笑說︰「我相信佢唔會，佢係好想洗脫我同佢嘅熒幕情侶形象，我覺得佢唔會去特別維持呢件事﹗(咁好朋友翠如真係結婚都唔話你知？)有可能㗎﹗同佢唔係咁熟﹗(嬲？)我又唔會﹗」而問到將來如果他跟女友唐詩詠結婚會否公開？他坦言︰「我唔會好似呢套劇名咁，通常會光明正大啲﹗」
