【今日直擊】有報道指吳卓林的同父異母哥哥房祖名，買大坑的寓所給吳綺莉母女，今晚吳綺莉由翁靜晶和梁耀忠陪同召開記者會，澄清近日相關報道。吳綺莉強忍淚水說：「我屋企真係發生啲事，我諗每個媽咪擔心自己細路，大家唔好再有無謂揣測，我自己做幕前，好多嘢放到好大，希望大家畀啲空間我同小朋友。」之後吳綺莉認壓力大，更忍不住爆喊。
翁靜晶則說：「由卓林出世前及出世後，由頭到尾無攞過成龍一毫子，2015年佢哋第一次發生一啲問題（指卓林報警），當時吳綺莉畀電台解僱，亦無任何工作可以做，卓林學費要1萬7千元，還要交開支及生活費，當時去到山窮水盡地步，係無晒錢，我哋通過一個中間人，曾經試過睇下卓林父親（成龍），能唔能夠提供協助，得到答案係話，任何一毫子都唔好諗住攞到，即係唔會幫你。」
