有話說﹕管弦樂演繹《大白鯊》救地球

【明報專訊】以前Mama好怕去聽樂器演奏會，因為怕悶到瞓着覺，不過𠵱家好多演奏會都識得搞搞新意思，吸引唔少好似Mama呢啲未入過場嘅觀眾去欣賞古典音樂，好似香港業餘管弦樂團就好鍾意用有趣主題去包裝管弦樂，記得上年試過所有團員都打扮成卡通人物上台演奏，真係每次都令人有驚喜。下個月佢哋又有搞作，仲係同世界自然基金會香港分會（WWF）合作，以大自然同生物保育為題，舉辦《動物．管弦．水世界》音樂會，而且所有門票扣除開支後將全數撥捐WWF，向大家宣揚海洋生態理念兼做善事，真係好有意義。