特首梁振英與創新及科技局長楊偉雄昨日出席香港青年協會舉行的創科論壇，楊偉雄講了一句「有邊個見過Steve Jobs？無呀？我見過！我真係見過」。這句話今日在網上熱傳，旋即變成今日網民「抽水金句」，繼中大教授沈旭暉後，藝人鄭中基也抽埋一份。
鄭中基傍晚約6時上載相片，相片中寫着「你地有冇見過一個人講嘢唔經大腦，因為佢冇大腦、xx無極限、x到漏汁，又話講緊廣東話但冇人聽得明嘅創科局局長？我見過。我真係見過。」
相片上載1小時，已獲逾6000讚好及超過800次分享，有網民留言指「暴龍哥d廣東話廣東話好多」，又有網友留言表示「對住呢個政府，除咗粗口，我諗唔到更貼切嘅形容詞」，鄭中基以「無言以對」回應。也有網民笑指「都話『創新』囉！我哋點聽得明啫，俾我地聽得明就唔係創新啦！」
