【今日直擊】關心妍(Jade)與老公楊長智今日為愛女楊榮心(Jovia)假四季酒店搞百日宴，分上下半場，上半場主要招呼親戚，下半場則招呼好友。現場佈置以心心為主題，更有一隻由古巨基特別為Jovia訂製的3米高吹氣Bear Bear熊放在當眼位置，十分吸睛。
現場所見，Jovia眼仔碌碌，紅卜卜的面珠仔加上勁多頭髮，十分可愛。Jade表示餵了3個月人奶後，醫生便建議她改餵奶粉，而囡囡十分黐身，暫未打算復出。問37歲的她會否追多個？她說：「呢個都追7年先追到，暫時無諗，你哋追我都追咁耐啦，順其自然，我都老了，唔知仲追唔追到！」老公想生仔？她說：「佢鍾意女多一點，有當然開心，現在湊一個都不捨得出門口！」問是否已回復身形？她說：「已努力減掉8磅，仍要減10多磅，坐月期間像吃了5公斤米，現在連上圍也升了3Cup，真的要減番少少！」
