日本殿堂級漫畫《男兒當入樽》是不少籃球迷的集體回憶，張繼聰也不例外，可是他昨晚在個人facebook發文，指太太謝安琪(Kay)為了迎接新成員(BB)來臨，要清理房間，勢要把《入樽》「清理門戶」。
阿聰同時附上一張放滿漫畫的書架相片，留言指漫畫《男兒當入樽》對其成長有奠定性影響，見到珍藏時很感動，卻為書由誰購買，而與Kay爭拗了很久，當太太振振有詞聲稱是購買者，阿聰寫道：「果（嗰）一刻，我覺得佢好陌生好似一個強盜，我當年駛（使）幾多零用錢買呀大佬！？……我阿媽話要讓下老婆……我話ok，反正我嘅姐（即）係佢嘅」。
惟其後Kay稱反正阿聰也不看了，建議把漫畫送人，阿聰立即反彈：「佢唔明白，到我地依（呢）種年紀，入樽已經唔係用嚟睇，係用嚟供奉……男人嘅青春同熱血係唔可以俾（畀）人，Never！！依（呢）次真係天后都無面俾（畀）！我兜口兜面細細聲同佢講，套書我Keep硬！威呢！」
阿聰振夫綱捍衛《入樽》主權，Kay惟有就範，她接同《明報》訪問時說：「我都好鍾意《入樽》，雖然我唔識打籃球，但都明白嗰種熱血，不過我自己有強迫症，有對家居清潔癖好，就算有紀念價值東西，如果唔用，係咪可以送畀人呢？不過，既然張生覺得《入樽》有殿堂級價值，就留佢喺屋企，屋企有個大書櫃，可供奉佢嘅《入樽》，而我自己的漫畫書就會送晒畀朋友，我係咪好偉大呢！」至於阿聰就對明報記者表示這是一件小事，所以不用再特別回應了。
