由周星馳及徐克聯手打造，吳亦凡﹑林更新﹑姚晨及林允等演出的《西遊伏妖篇》，又有最新預告片曝光，早前星爺與徐克在預告片互窒爆「爭執」，今次變本加厲，在新預告片的片尾驚喜現身。
星爺興奮跑到徐克的辦公室，並說：「嗰隻馬騮特技呢，好嘢，我真係好欣賞，我依家驕傲到不得了﹗」豈料徐克徐克邊玩扭計骰，邊潑冷水：「嗰隻真馬騮嚟㗎，唔係特技，講咗好多次啦！」
此話令星爺陷入「崩潰」，更搞笑謂：「我有啲暈」，不過徐克繼續使出「音波功」，不停「哦」周星馳「飲少啲酒」﹑「蒲少啲」﹑「成熟啲」，搞到星爺無晒心機，表現無奈呢﹗
