英皇高層霍汶希(Mani)及衛詩雅昨晚於銅鑼灣出席電影《決戰食神》慈善首映禮，身兼《決》片製片人及監製的Mani透露主角謝霆鋒身在內地宣傳。談到霆鋒因手筋發炎，止痛藥無效去刮沙一事，Mani說︰「佢啲筋黐埋發炎，一般廚師多年鑽研先會咁，佢煮咗3年就黐咗條筋，變『黐筋』！」問到霆鋒可有聽話暫時放下菜刀？她說︰「佢好傷心﹗唔係聽唔聽話嘅事，係佢根本做唔到，佢話痛過牙痛。霆鋒都話估唔到打到飛起都冇事，反而煮到有事。」 Mani透露未來會先讓霆鋒休息，將原本4、5月安排的工作延期，會讓霆鋒做一些如拍廣告較不需要勞動的工作︰「我覺得佢應該放下菜刀，拍吓廣告﹗」衛詩雅就笑言提議霆鋒「以口代手」，用口咬住廚具去煮食。
