【今日直擊】吳綺莉今午到銅鑼灣一間醫院，探望囡囡吳卓林，她多次強調叫傳媒不要跟她，讓她好好處理家事。吳綺莉在醫院逗留大半個小時便離開，她離開醫院時表情嚴肅，心情沉重兼不發一言，上車後不斷深呼吸。
其座駕停泊在救護車專用車位，並佔了三分一車位，其間有非緊急服務車輛到達，要多次扭軚才能停車，再送病患者入院。
吳綺莉離開醫院後，便開車返屋企，其間她到附近士多買飲品，然後再駕車回家，她在寓所門外傾了一陣電話，問到卓林情況如何？她說：「都話咗佢係唔舒服，身體有啲問題。（幾時出院？）暫時未知，辛苦晒。（有無同佢講啲乜嘢？）無呀。（佢心情點呀？）好多人睇住佢，唔該晒，辛苦呀，我條鎖匙都唔知點用。（有乜人睇住佢？）有醫生護士。（有冇話乜嘢事？）唔方便講，唔該晒﹗」
