近日有傳陳美齡獲邀擔任新任教育局長一職掀起全城話題，焦點是她教出三個叻仔送入史丹福大學，有網友隨即想起「10優港姐」麥明詩（Louisa )的媽媽麥何小娟，是否應該都有資格勝任？Louisa見留言時都不禁轉發，隨後上載2張照片，家庭照和一張卡通人物「麥太」的照片，Louisa說：「其實我阿媽真係ok呀，後（下）一屆諗諗佢啦。」然後長篇幅將麥太的履歷詳細道出，更不忘Sell埋爸爸麥卓生在津校做副校長多年，有實戰經驗，建議他做副局長，兩公婆拍住上，見Louisa這麼落力，原來她有「古惑」，她說：「咁我阿爸阿媽有高薪厚職，我就可以喺屋企『un un腳』唔洗做喇！」不過，麥媽媽搞笑回應：「阿女唔好發夢，諗住唔洗畀家用。」看來Louisa的奸計暫時未能得逞。
