吳若希（Jinny）和只有個多月大的寶貝B女淼淼被侮辱，繼吳若希激動留言鬧爆網民後，闊少男友Alex亦在社交平台撰文反擊，更用「老婆」來形容Jinny﹗
Alex先維護女兒說︰「首先，我好多謝咁多人去關心我女兒既（嘅）相貌~老人家成日講當個BB出世後要成日話佢好醜樣，唔好贊（讚）佢，咁佢第時大個一定好靚女好叻女~我好多謝咁多鍵盤戰士和網民令我個女長大後成為一個人見人愛，車見車載，美麗大方，溫柔體貼既（嘅）女仔。不過，我真係覺得我地（哋）個女好靚﹗巧打耳喎﹗就算我們的女兒大個左（咗）係點樣~她始終係我們個世界入面都係最prefect（perfect）﹗」
之後，Alex就力撐吳若希講粗口沒問題，更稱對方為「老婆」。他寫道︰「所謂的黑粉請不要再侮辱我家人﹗就算我個女，我老婆有幾任性，公主病。講粗口又點？咁又點？我鍾意呀﹗我愛呀﹗所以你們講咁又點？ I Don't Care﹗我最Care係我家人。你們今天另（令）她們不開心，我會全力去保護佢地（哋）。他日你們又另（令）她們不開心，我一樣全力去保護她們。我會用盡所有方法去保護她們﹗所以請那些所謂黑粉，三思而後行﹗」
