昨天父親節，張繼聰、謝安琪的10歲囝囝張瞻本來沒準備禮物，後來在母親提醒下隨手在家中某角落找來一把連他自己也不喜歡的小風扇送給爸爸。謝安琪看著這兩父子送禮物及收禮物時的瀟灑反應，哭笑不得﹗
她說︰「今日父親節，我個仔乜嘢都冇準備，我老公讚佢瀟灑，然後我問佢係咪應該都有少少野（嘢）送俾（畀）爹哋？於是佢唔知係（喺）邊度摷到一個，佢自己唔鍾意嘅風扇，晚餐時送俾（畀）爹哋。然而，佢老豆（竇）都好瀟灑。佢見到個仔俾（畀）份咁嘅禮物佢，佢接都冇接到，手都冇伸出嚟，只係問左一句：『個風扇仔你買㗎？』個仔答：『頭先唔知喺邊度搵到既（嘅）。』個風扇就咁滯留咗係（喺）枱面，場面相當無奈，完。」
之後，張繼聰在facebook發帖多謝張瞻送他的父親節禮物，內容非常搞笑﹗他說︰「我個仔送俾（畀）我嘅父親節禮物，我問佢：『你買架（㗎）？』佢話：『唔知邊道搵出嚟...我諗依（呢）份禮物嘅寓意係....吹咩！？Anyways，多謝，外景啱用。」謝安琪見老公這樣說，隨即在自己的facebook更新帖文，補充說︰「飯後，老豆（竇）發左（咗）post，多謝仔仔（囝囝）既（嘅）禮物，小風扇總算守得雲開見月明，關心小風扇下場既（嘅）朋友，你地（哋）可以放心喇﹗」
據謝安琪回覆網友的留言顯示，張繼聰雖然多謝囝囝的禮物，但始終沒有取走小風扇，這把小風扇至今仍然在枱面上，景況依然非常無奈...
