【今日直擊】胡楓（修哥）、陳庭欣（Toby）和沈卓盈等，今日出席《野生救援‧無綫電視合作備忘錄簽訂儀式》活動。
日前謝賢（四哥）大爆三年前怒摑曾江事件，是旅遊節目宣傳伎倆，有份置身其中的修哥說：「佢話係咪係囉！所以話呢...傳媒將舊聞摷返出來。」
相關新聞：【原來係做戲】自揭怒摑曾江真相 謝賢：個個指住我嚟鬧...
記者轉述是四哥重提舊事，修哥大無畏續說：「我話佢使擇日子呀！」追問四哥的言論有無講大話？修哥再說：「我點知佢呀！佢成世都講大話，尤其對女人，但對我忠誠，呃我都是飲茶食餐飯畀錢，他同我打桌球，耐不耐就輸畀我，不過打賭食餐飯就贏我了。」
四哥指修哥好戲，在怒摑事件中，修哥用手扯甩眼鏡作配合，修哥指著自己的眼鏡說:「我副眼鏡仲響度喎，我梗好戲，好戲過佢。」有無覺得四哥玩大了？修哥再說:「點知佢，佢講嘢時我聽不到。」
