鍾嘉欣近日留港掙奶粉錢，前日就跟「星爵」基斯柏特（Chris Pratt）一齊出席活動。不過嘉欣閒時亦會和好友見面，繼之前與《溏心風暴》夏雨、李司棋及米雪等見面，這日就帶同小朋友先跟好姊妹王君馨、李亞男及苟芸慧等出街，王君馨在社交網分享街頭合照，並留言：「第一次成班姊妹喺街度行嚟行去，原來真係好爽！#之前淨係係（喺）屋企聚會 #或者小人的餐廳 #今次好放縱 #如果有套電影叫「媽媽特工」#可以考慮我地（哋）」
嘉欣今日再上載好友馬浚偉和她小朋友見面的照片，大女Kelly和馬仔似乎好老友，而細仔Jared亦好乖任抱，沒有扭計。嘉欣大讚馬仔在她心目中是好特別的人，雖然大家無血緣關係，但馬仔從不要求任何回報，每當她遇到不好的對待就會站出來幫她，對她來講馬仔就像她的哥哥一樣。
