恭喜恭喜﹗張嘉兒再度榮升媽咪，嘉兒今晚在社交網報喜，宣布細女Hannah早兩天已經出世，B女相當可愛，而且好多頭髮，她表示今胎都是順產：「生第二胎真係快過第一胎好多。入醫院開咗三度然後三個鐘頭後就生得啦。不過唔知點解今次真係痛好多，可能因為醫生話原來個臍帶圍住左（咗）係（喺）BB女個頸到三個圈，好似帶咗三條頸巾咁。聽落真係有驚無險，好彩我個醫生超級專業，好快就解決咗個問題，完全冇令到我有恐慌嘅感覺。多謝醫院嘅護士同埋醫生悉心嘅照顧！我康復得好快BB亦都好健康。當然亦都要多謝我老公同埋我家姐一路陪伴着我，係（喺）我住院期間照顧我個大女。」
