【《法證IV》重拍】有冇嬲黃心穎? 黃浩然:冇得嬲... (19:43)

文章日期:2019年05月27日

【今日直擊】黃心穎和許志安上月中爆出「安心事件」,全城轟動,心穎已避走美國進修,而她有份演出的《法證先鋒IV》,亦受事件影響需要重拍。今日該劇於電視城再次舉行開鏡儀式,無綫高層杜之克、監製梅小青率領演員包括黃浩然、譚俊彥、陳煒、鄭俊弘、楊柳青及陸詩韻等,並介紹湯洛雯(靚湯)出場,正式取代黃心穎角色。

黃浩然與黃心穎對手戲甚多,有傳他被受牽連而嬲到爆粗,浩然說:「點會爆粗?跟邊個爆?入廁所爆呀? 之前我無刻意回應,今次是真正回應,因為當事人已受好大影響,自己不方便講太多,我放假跟屋企人去旅行時知道件事,最擔心不是我一個人,而是整個《法證》團隊,擔心個劇出不到街,當時已短訊小青姐問點幫手。」

問到有沒有嬲心穎?他說:「冇得嬲,我跟她沒有聯絡,件事我們是局外人,不便評論,我們冇嬲,同她都是朋友,只是覺得可惜,擔心個劇出不出到,大家努力怕會白費,慶幸有得補怕。」

他認為該劇有機會重拍,是件開心和感恩的事:「我一個人微不足道,大家一條心才是力量,可能我的演技屎屎地,公司覺得我做得不好,給機會我拍過,我看到網上好多人支持這個團隊,似打了強心針,是好大動力。」

(即時娛樂)