【專訪】欽點姜濤合演母子 景黛音:佢有吸引我之處 (19:39)

文章日期:2019年06月03日

景黛音最近復出拍攝ViuTV新劇《退休女皇》,欽點「小鮮肉」姜濤飾演她的兒子。事緣ViuTV製作部副總裁金廣誠力邀景黛音出山時,她曾開出一個條件,就是要跟韓國男團SHINee成員泰民合作,可惜泰民因檔期問題而未能成事,但她眼見金廣誠極有誠意,於是雙方達成合作。她在選角面試中亦看中姜濤,景黛音笑說:「你見咁多妹妹鍾意他,就知點解。我揀他時,他還未入圍《全民造星》,我也未見過他,他當然有他吸引我之處,我很憎有些人好老練,好『行』,感覺好假,我喜歡真。」

姜濤坦言最初未見到景黛音時已很大壓力,直至大家食過一餐飯後,才發覺對方並無想像中嚴厲,合作起來亦無壓力。姜濤笑言在對方身上聽到很多金句,「最記得當時參加《全民造星》常遇到好多問題,有問過她的意見,她只係好簡單咁同我講『唔需要做畀人哋睇,做你自己就得,人哋鍾唔鍾意係人哋嘅事』」。景黛音自言常跟姜濤說,就算多完美的人,都會有人不喜歡,無可能全世界喜歡你,何必介懷。

《退休女皇》故事講述母子關係疏離,景黛音笑指現實中如果女兒激嬲她,關係便疏離,無激嬲就關係好,「我覺得很正常,每個家庭都一樣。但一定不可以有隔夜仇,無論做父母、子女,還是朋友都是。18歲的女兒性格爽快、率直,跟我相似。(有遺傳演戲細胞?會否入行?)不知,你要問她,她無跟我提及過,我亦不會阻撓,每個人都有自己的空間和興趣,如果她鍾意,絕對贊成。」

姜濤直認小時候很頑皮,經常被阿媽打,「當然不會嬲,媽媽打仔都是想個仔好。我以前有段時間很反叛,同阿媽好唔啱傾,直到離開中學,當時一位全校最惡的老師同我講『你要生性了!你一定能做到啲嘢。』,之後開始識諗,覺得真係要懂事了」。

欲知專訪詳情,請留意明天(6月4日)明報娛樂版。

(即時娛樂)