鄭秀文（Sammi）今晚紅館演唱會尾場，她唱到《默契》時，介紹嘉賓古天樂出場，她high爆說：「《叱咤最受歡迎男歌手》古天樂。」全場歡呼。古仔惜Sammi臉頰，又攬著Sammi腰邊行邊唱，開金口間中跟唱兩句，Sammi說：「今晚無請女嘉賓，想特別少少。不過古仔今晚好似嚟踩場，我好多演唱會都係古仔做嘉賓，無古仔做嘉賓，演唱會好似開大無廁紙，點收科。」古仔忍不住笑，配合說：「終於有廁紙啦！」Sammi感謝古仔：「多謝古仔，每次有需要都來幫手，不過我上次肚疴都去撐你。（古仔做演藝人協會會長後，第一個搞的慈善晚宴）。」唱完後，Sammi落台換衫，說交個台給古仔時，取笑古仔：「大家都鍾意你唱歌，都唔知點解鍾意個唔識唱歌嘅人唱歌。」古仔說：「咁咪好，唱得唔好會原諒我。」Sammi說去換衫，古仔笑Sammi：「成條褲個蘿柚突晒出嚟，快啲去換衫啦！」之後古仔獨唱《男朋友》時滿場飛，又揮手及跟觀眾握手，令觀眾好興奮。
