【《BB來了2》換主角】獲黎諾懿盲撐 李佳芯:唔係第一次發生 (22:28)

文章日期:2019年09月12日

今晚直擊】有傳李佳芯因網上言論,以及曾呼籲香港人登記做選民而被內地封殺,結果無綫抽走她有份演出的新劇,而計劃開拍的《BB來了2》將換上馬國明及岑麗香演出,第一輯的男主角黎諾懿亦被連累踢走。

【BB來了2】李佳芯捲政治風波 傳連累黎諾懿都被Out

李佳芯和黎諾懿今晚參與《香港唱好演唱會》錄影,即被追問有關傳聞,李佳芯表示:「我所知是押後到明年,但再有變動都唔出奇,公司都不斷有變動,無論劇集幾時出,或者拍什麼都不斷有變動。(傳換上馬國明及岑麗香?)都是睇報道先知。(有否失望?)又唔會,因為不是第一次在我身上發生,之前有些角色原本是搵我,但變了不是搵我,有些角色原本不是我又變了搵我,我們做演員向來幾被動,所以今次不是第一次。」

黎諾懿覺得他和李佳芯一定會再有合作,就算要他出錢拍也可以,有時不一定要拍續集,可以跟李佳芯做其他事,可能有些新火花,「不覺得她有任何嘢拖累我,令到我唔開心,成日都講她是我最好拍檔,無論發生什麼事都好,我一定撐你!同上一年攞視后一樣盲撐她,去到邊都盲撐,所以唔會令我唔開心」。諾懿表明無失望,可能拍《BB來了3》,總之希望在明天,二人都未退休,仍有很多合作。

(即時娛樂)

RELATED