方力申將於11月參與「香港環島泳45公里慈善挑戰」，為慈善機構「點滴是生命」籌款，但備戰期間困難重重，早前練習時在海中嗌頭痛兼扣喉嘔吐4次後，他參加另一個渡海泳比賽時，眼睛又紅又腫，要立即去醫院檢查，一班圈中人紛紛向他送上鼓勵；繼「發哥」周潤發拍片為方力申打氣，容祖兒也自動「送上門」支持，除幫手呼籲，當然也會捐款支持善舉。祖兒今日在社交網留言，「方力申45公里環島泳 而（依）家叫我就算用腳行45公里 我諗我都會攪（搞）唔掂 更何況係（喺）海裏面要游45公里 足足12個小時 真的是非一般嘅挑戰 方力申為咗做善事去挑戰自己嘅極限 每天練習 克服不同類型嘅困難 在此希望他一切順利 除了身體力行立刻捐款之外 我亦希望各界善心人士 踴躍支持」。方力申感激祖兒捐錢又呼籲，留言回覆祖兒：「多謝妳咁有義氣！心照！祝妳日日開心，日日精神爽利，樣靚聲甜身材正😘」
