林子善見證小公主出世喊到變豬頭︰母愛真偉大 (12:07)

文章日期:2019年12月29日

林子善和太太董佩欣(Kary)前年結婚,今年7月宣布變身準爸爸,Kary已懷上了小公主。昨晚,子善先在社交網上載在產房外等候的片段,並寫上「加油,大乖乖小乖乖,大家一齊集氣。」

之後,他透露BB已出世。他說︰「未能回覆各位,再次多謝咁多位嘅擔心,母女平安。超能老婆50分鐘內完成整個分娩過程,去到最後話唔用無痛分娩,當堂眼都突(凸)埋出嚟。母親嘅偉大令到我變成豬頭,哭成涙人,多謝咁多位嘅集氣。東區醫院嘅助產士同姑娘嘅專業,我終於睇到,亦多謝羅醫生一直支持太太順產🙏🏾。」

約兩小時後,子善在社交網分享初生女兒的照片,並說︰「媽咪超級無敵勁...冇麻醉順產分娩😱。極速0至10度,50分鐘小乖乖出世🤗。由懷孕到小乖乖出世成個過程歷歷在目,長大後可以唔錫(惜)爸爸但一定要錫(惜)媽咪😘😘😘。#母愛真偉大 #超乎常人」

(即時娛樂)