今晚《2019年度叱咤樂壇流行榜頒獎典禮》頒發一系列「我最喜愛」獎項前，熒幕先播出一段由林海峰旁白的片段。片段中，林海峰的大部分說話都以「何以」兩字開始，內容如下︰
何以
何以你今晚會安坐家中睇叱咤？
何以今年嘅叱咤一個現場觀眾都冇？
何以過往嘅叱咤現場投票會變成今年嘅網上投票？
何以你每年實睇嘅頒獎禮，今年會冇咗個實體頒獎禮？
何以一人一票喺呢個地方係變得越來越矜貴？
何以明明千載不變嘅音樂肯定，最後個獎座會落喺一堆垃圾裏面？
何以今年有咁多場大大小小嘅演唱會都要一一取消？
何以有人話要放棄一代年青人，但係花姐就要一手湊大Mirror一班年青人，仲要將佢哋培育到入圍我最喜愛組合？
何以屯門公園嘅娜娜歌精舞勁，肥媽首歌唱到街知巷聞，但係佢哋就冇入圍我最喜愛女歌手最後五強？
何以有人敢唱人話，但係就有人唔肯講人話？
何以今年去商場唱歌係流行過去K房唱歌？
何以一首廣東歌可以令你感動、安慰、鼓舞、落淚，甚至係會恐懼？
何以你可以將你曾經最喜愛歌手嘅唱片打爛變成碎片？
我哋嘅樂壇何以為繼？
2019 何以 完
2020 和你投
相關新聞︰【叱咤頒獎禮】方皓玟膺「我最喜愛女歌手」《人話》奪「我最喜愛歌曲」
相關新聞︰【叱咤頒獎禮】叱咤男歌手金獎張敬軒 女歌手金獎謝安琪
相關新聞：【叱咤頒獎禮】釗峰On仔飲酒泯恩仇 許廷鏗歌曲得獎 MV惹聯想
相關新聞︰【叱咤頒獎禮】艾粒約麥浚龍行旺角 未頒獎Juno就走咗
相關新聞︰【叱咤頒獎禮】MV公布得獎歌曲 無頒獎嘉賓無得獎歌手
