陳彥行（行姐）向來喜歡寵物，本身也是愛狗之人，就算是其他小動物她同樣亦愛心爆棚；事關今天她在微博連環出短片，原來她以380元人民幣，買了一隻險成桌上食物的啡兔仔，令這隻兔仔逃出生天。
行姐說：「前陣子返大陸做嘢，喺一間農家菜館食午飯，見到呢隻大啡兔，知道佢將會成為餐桌上的食物，真係於心不忍，於是問個老闆娘隻兔點賣？佢話60蚊一斤，咁我話呢隻兔有幾斤啊？佢話有七斤（我目測唔似有咁重囉）因為咁我就將隻兔改咗個名叫做『七斤』，最後同佢講吓價，就用咗380人民幣買落嚟，跟住就送去啱啱新相識嘅內地朋友屋企暫住先。」
不過行姐養狗就叻，養兔仔則無從入手，甚至因為餵食問題，險令兔仔喪命，幸最後找到獸醫求診，兔仔再度逃過一劫，現時「七斤」已找到好人家飼養，令行姐也放下心頭大石。
