【按燈無人理】莊思明搭飛機遇不快 Ig發長文講述經過 (19:33)

文章日期:2020年01月08日

莊思明今日在Ig發長文,憶述早上搭飛機遇到不合理對待,稱她中途按燈找空中服務員無人理會,當第3次再按時,見到一位空姐按熄訊號燈後,隨即轉身行開;到第4次終於有空姐過來。為了不想這類不快事情發生在其他人身上,莊思明填完入境表後,再按燈要求找高級空中服務員表達意見。

「之後就有一位比較高級嘅男空中服務員過嚟問我更多detail。佢態度好好,不停同我講唔好意思同埋佢不停來來回回咁幫我搵係邊個空姐咁唔專業。過咗幾分鐘左右個男空中服務員過嚟搵我,佢同我講佢已經同經理講咗件事同埋已經發現咗係邊個,佢問我想點處理。我向佢表示其實我只係想反映件事,希望呢種事情唔會發生喺其他乘客身上。佢不停向我道歉,佢絕對係一個非常專業同有禮貌嘅空中服務員 所以我都想係(喺)呢到(度)同佢講聲多謝(好後悔冇問佢叫咩名)我講件事出嚟係希望國泰可以積極處理類似嘅問題,因為作為全球其中一間最可信嘅航空公司發生咁嘅事實在係令我好驚訝 如果國泰嘅高層想了解更多關於這次事件嘅詳情,我絕對歡迎你哋同我聯絡!」

(即時娛樂)

相關字詞﹕莊思明