關智斌（Kenny）、陳家樂及楊天宇（Angus）合作主持全新網上綜藝節目《三夫當關》，第5集主題「親熱戲」，請來衛詩雅與連詩雅擔任嘉賓。眾人談到拍接吻戲應否伸脷時，Kenny立即說絕不應該！Angus提問：「唔係睇劇情嘅咩？」陳家樂與連詩雅即教精他，拍吻戲要有「演員道德」，要在雙方有共識情況下才能舌吻。Kenny即自爆曾被女演員強行舌吻：「我試過頂對方條脷返去，因為個女仔是新人，佢拍之前好似好緊張，我就同佢講當平時同男朋友惜吓就得㗎喇！惜惜吓發現有啲唔對路，我就合埋個嘴、用啲牙頂返去。」陳家樂也自爆曾被湯怡投訴：「去年同湯怡拍咗套戲，惜到佢唔係幾滿意，因為我啲鬚根搞到佢好痛。」
至於另一八卦話題「片場鹹豬手」，衛詩雅說自己曾遇過「鹹豬手」，「個男仔成日做啲多餘嘅嘢，會無啦啦攬埋嚟，仲要對住工作人員都係咁。有次更突然為女性工作人員按摩，幸好有人伸出援手，成功解救同事」。她更呼籲：「無論男女，你覺得唔舒服，你一定要出聲，唔使驚人話你博新聞，時間會證明。」
