去年林子博不獲無綫續約，其妻董燕君（Shirley）患上癌症「平滑肌肉瘤（腹腔）」，Shirley去年12月完成了半年的化療療程。
前天（8日）是Shirley的生日，子博在社交網上載一家四口慶祝照，另外亦有和朋友一齊慶祝照片，Shirley精神不俗，子博留言：「呢班大媽係有我老婆心嘅！多謝你哋呀！林太生日快樂～老婆，一定要身體健康！錫（惜）晒你！聽聽話話抗病，想游（遊）山玩水我天涯海角都陪你去！」
Shirley亦開心表示：「生日，我不需要大排筵席、名貴禮物！只需要最愛我嘅人陪伴就夠！因為我有︰最愛我嘅老公及仔、女，最錫（惜）我嘅家人、親戚、朋友及同學，仲有最愛護我一家嘅網絡朋友。有你哋嘅支持，我已經心滿意足！多謝你哋嘅祝福！#我嘅生日願望一定要身體健康。」
