爆拍檔幫手冇收錢 黃子華望新片賺錢:可以分紅畀佢哋 (22:36)

文章日期:2020年01月14日
爆拍檔幫手冇收錢 黃子華望新片賺錢:可以分紅畀佢哋(拍攝:劉永銳,剪接:張家柱)

【今晚直擊】黃子華繼《一蚊雞保鑣》後,相隔17年再炮製第二部自編自導自演電影《乜代宗師》,並安排於賀歲檔上映;不過,有網民質疑《乜》是合拍片而呼籲罷睇,故子華拍攝短片澄清,爆自己賣樓籌拍此片外,又指全行認為他是儍佬,因為90幾%冇可能翻本。今晚子華現身《乜》首映禮,他形容今次身兼三職感覺精神分裂,「顧住導演,忘記了埋位演出,過程很艱苦,有一秒可以休息,非常多波折,不過監製說這部是『遇難呈祥』,有人突然不能來參與,之後會出現更好的」。

子華又形容資金是幾大的難關,製作費過千萬元。有傳英皇電影因該片未通過審批而撤資?他說:「是另一部戲,這部戲一直都是想自己全投資,我冇壓力,失去層樓不緊要,為完成自己夢想。不過很多工作人員好癲,冇收錢,三個監製都冇收錢,所以我當佢哋係投資拍檔,希望部戲賺到錢可以分紅畀佢哋。」

對於有網友指他是「偽黃」,發起繼續罷睇,對於電影與政治被混為一談,子華認為電影被政治摧毀或者幫助,都不是值得高興的事。他坦言對票房沒任何想法,之前賣座的電影《棟篤特工》有奇蹟,但不覺得奇蹟會經常發生。

(即時娛樂)

 

相關字詞﹕黃子華 乜代宗師