【今日直擊】武漢肺炎疫情肆虐，全港市民齊齊抗疫，無綫今日突然向外通報，指昨日（2月4日）有一名男臨時演員在電視城11、12錄影廠外行人路嘔吐，後來證實只是腸胃炎，公司已派員去全面消毒清潔，但仍引起城內一陣恐慌。
11廠是拍攝處境劇《愛‧回家之開心速遞》之用，今日劇組如常開工，劇中演員歐瑞偉及羅樂林受訪時表示，返到公司才知道「嘔吐事件」，不擔心受感染。歐瑞偉說：「聽聞只是腸胃炎，可能食得太飽。其實都驚不到咁多，人多密集的地方便小心點。」羅樂林相信公司會做好消毒措施，門外入閘都要量度體溫，最緊要做好本分，例如消毒和戴口罩。
至於二人可需撲口罩及消毒用品？羅樂林表示家中向來有一些儲備，以前很怕戴口罩，但疫情太嚴重，要跟足指引去做。歐瑞偉坦言家中已沒有太多消毒用品，幸日前獲朋友送來一盒口罩救急。提到此劇有不少群戲，可有受到疫情影響拍攝？兩人稱暫時未有，不過各人已提高警覺戴上口罩，不少演員亦帶備各類消毒用品返公司跟大家分享，並提醒大家只要有不舒服，一定要講出來。
