青衣長康邨康美樓出現兩宗新型冠狀病毒肺炎確診個案，居於07單位的住戶要緊急疏散。網劇《向西聞記》其中單元故事《碌架床》，早前曾在長康邨實景拍攝，當中演員王宗堯激氣表示：「政府做法和林鄭回應真的好差，無從經驗中汲取教訓，仲叫市民不要出去食飯、不要約朋友、不要睇戲、不要做運動，什麼都唔做得，但又唔封關，令到香港人更加冇晒生活，市道靜到黐線，所有事相關掛鈎的時候，影響晒香港成個經濟。香港人現在真的好慘，更加擔心是這次青衣社區爆發，隔了咁多層樓，咁住中間層數的人點？其他隔離層的人又點？加上現在咁多不同社區爆發，人又走甩又唔隔離，又遵守不到規則，又無法搵到他們，警察又唔做事又唔拉人，衛生署又做唔到什麼，令到隱形帶菌者周圍走。上次沙士就話某幾個社區爆發，但我覺得今次有好大機會好多地方會有這些社區爆發，是好驚的。」
林雪則表示：「又會咁橋？拍攝時記得環境幾好，乾淨，樓上電梯大堂又大又通風，希望受感染確診的病患者快些好番，疫情早日過去，大家呢排真的要注意衛生，小心身體。」
