林盛斌（Bob）昨晚擔任無綫節目《娛樂大家10點半》嘉賓，指家中有很多小朋友，幸好平時有儲存口罩習慣，加上近期多留家中，口罩總算夠用，「去年拍消毒用品廣告後，獲廣告商贈送一箱產品，現在可大派用場。新年去了馬來西亞宣傳電影，回家想擁抱子女，老婆都喝停，要我由頭到腳消毒才准抱」。
提到陳柏宇投資的火鍋店在逆境中結業，Bob覺得營商有好多因素，自己工作室也受疫情影響，「公司做製作、公關及廣告工作，市道差都叫同事home office，但未去到放冇薪假，暫時仲頂得住，呢段時間是難捱。（早已賺到不少儲備？)都不是，我屋企要儲備，公司又要，搣搣吓就見到骨、見到肉，我最近都瘦了，不過錢冇了可以再搵，命仔最緊要，不會計較失去，只會好憂心和不開心，我會感恩仲有健康，等疫情過去再做好成績」。
