陸浩明節目內講香港是SARS源頭 連環出po道歉 (12:28)

文章日期:2020年02月16日

由陸浩明與馮盈盈主持的《#後生仔傾吓偈》,一向深得網民追捧,可是日前播出的第487集,主題講到「防疫意識」時,陸浩明竟然錯講2003年SARS疫情,稱香港是病毒的源頭,因此引起網民不滿。

陸浩明昨晚連忙在社交平台道歉:「各位,真係唔好意思要講句sorry!我知道沙士源頭係來自廣州,大家截圖嘅一句,係因為當時我口快快講錯咗,其實之後我都有喺節目入面修正源頭來自一個廣州嘅教授,之後Fyy(馮盈盈)都有補充,節目入面我哋亦有提及,但之後大家再討論一陣好快就已經轉咗topic。令大家誤會係因為當時我嘅口誤,加上無即時做出適當嘅修正,令大家誤會,我再一次向大家講聲唔好意思。其實我意思是指沙士當年在香港『大型爆發』!!我會自己罰抄100次 『sorry我説錯了』,希望大家可以原諒本人當日嘅口誤。』」

陸浩明第一次道歉不獲網民接受,之後再重新發文:「再一次,同大家講聲唔好意思,對唔住!因為一時疏忽,口快過腦,喺節目講錯咗重要資訊,但當時掉以輕心,無即時糾正,令大家誤會,真係對唔住。之後如果小弟要提及重要資訊會更加小心!小心!小心!」

(即時娛樂)