麥明詩日前於節目《#後生仔傾吓偈》第500集內，跟陸浩明及馮盈盈進行視像對話，身處台灣的她大談轉換新工作環境感受，自爆收入不及昔日當藝人時候，即時引起外界不少揣測。
麥明詩今日在網上作出解釋，「其實我只不過好似一般打工仔吹水咁，同人傾偈會呻下（吓）OT到1點辛苦，朝早起身返工對住電腦十幾個鐘好攰；想表達嘅係我依家對大家打工仔嘅辛勞感同身受，但心底裡（裏）我係非常珍惜呢份工同埋不斷繼續學習嘅機會，亦喜歡自力更生嘅感覺，當初亦係因為咁嘅原因才作出呢個決定，所以我一定會繼續努力工作和學習，去成為一個讓我自豪的自己」。
